საშუალოდ 1 პაციენტი 10 -დან იღებს ზიანს არასათანადო სამედიცინო მომსახურების შედეგად.
მაშინ, როდესაც თვითმფრინავით მგზავრობისას სიკვდილის რისკი 3 000 000-ზე 1 ადამიანია, პაციენტის სიკვდილის რისკი სამედიცინო მომსახურებისას პრევენცირებადი ზიანის გამო არის 300-ზე 1 ადამიანი.
სამედიცინო მომსახურებასთან ასოცირებული ინფექციების (სმაი) პრევენცია და კონტროლი ხარისხიანი სამედიცინო მომსახურების მნიშვნელოვანი ნაწილია. ის მოიცავს სტრატეგიებისა და ღონისძიებების კომპლექსს, რომელიც მიზნად ისახავს ინფექციების გავრცელების პრევენციას და კონტროლს სამედიცინო დაწესებულებებში.
სმაი-ს პრევენცია და კონტროლი მოიცავს შემდეგ ძირითად ელემენტებს:
- გაიდლაინების დანერგვა, რომლებიც მოიცავენ ხელების ჰიგიენას, ინსტრუმენტების სტერილიზაციას, პაციენტების იზოლაციას და სხვა მნიშვნელოვან საკითხებს.
- პერსონალის რეგულარული ტრენინგები, რომლებიც ფოკუსირებულია ინფექციის პრევენციისა და კონტროლის საკითხებზე.
- სტერილიზაციისა და დეზინფექციის პროცესების მკაცრი დაცვა, რაც ხელს უწყობს ინფექციის რისკის შემცირებას.
- პაციენტების რეგულარული მონიტორინგი ინფექციის ნიშნების დროული გამოვლენისა და რეაგირებისთვის.
- ანტიბიოტიკების რაციონალური გამოყენების ხელშეწყობა, რათა თავიდან იქნას აცილებული რეზისტენტული შტამების გავრცელება.
- სპეციალიზებული ჯგუფების და კომიტეტების ჩამოყალიბება, რომლებიც პასუხისმგებელნი იქნებიან ინფექციის პრევენციისა და კონტროლის მიდგომების დანერგვაზე.
ამ ღონისძიებების ერთობლიობა უზრუნველყოფს სამედიცინო დაწესებულებებში სმა ინფექციების რისკის შემცირებას, რაც პაციენტების მკურნალობის ხარისხისა და ჯანდაცვის გაუმჯობესებას უწყობს ხელს.