პროფესიული განვითარების საბჭოს გადაწყვეტილებით პროგრამას მიენიჭა აკრედიტაცია – N 0498 და I ტიპის 12 უპგ ქულა, რომლის ქონაც კონკრეტული პროფესიის ექიმებისთვის სავალდებულოა მოქმედი კანონმდებლობით. აღნიშნული პროგრამა განკუთვნილია შემდეგ სპეციალობებში სერტიფიცირებული ექიმებისთვის: ზოგადი ქირურგია, კარდიოქირურგია, ნეიროქირურგია, უროლოგია, ორთოპედია – ტრავმატოლოგია, გადაუდებელი მედიცინა, შინაგანი მედიცინა.
პროგრამის გავლა შეუძლიათ სხვა სპეციალობების წარმომადგენლებს, მათ შორის ინფექციის პრევენციის და კონტროლის პროფესიონალებს, რომელთათვისაც უსგ ქულები ამ ეტაპზე არ არის აუცილებელი.
პროგრამა ორდღიანია, თითო დღეს 6 საათი და ითვალისწინებს დასწრებულ სწავლებას. ტრენინგის თარიღი განისაზღვრება ჯგუფის დაკომპლექტების შესაბამისად. ტრენინგს ჩაატარებენ დარგის ექსპერტები და პროფესიონალები ასოციაციიდან.
რეგისტრაციის ლინკი: ბმული
პროგრამის გავლის შემდეგ თქვენ გეცოდინებათ : სმა ინფექციების პრევენციის ბაზისური პრინციპები, სმა ინფექციების სტანდარტული განსაზღვრებები და დიაგნოსტიკა, ამრ-თან დაკავშირებული და სხვა იპკ -სთან დაკავშირებული საკითხები.